Breiðholt got talent – frístund
Bekkurinn var þétt setinn í Breiðholtsskóla í dag þegar börn af frístundaheimilunum í Breiðholti öttu kappi í árlegri hæfileikakeppni sinni, Breiðholt got talent. Keppnin hefur fyrir löngu fest sig í sessi sem einn vinsælasti viðburðurinn á vegum Frístundamiðstöðvarinnar Miðbergs. Öll umgjörð er eins og best verður á kosið og mikil upplifun fyrir börnin að fá að koma fram á sviði með alvöru hljóð- og ljósakerfi.
Tólf atriði voru skráð til leiks og heildarfjöldi þátttakenda var 39. Sigurvegarar voru þær Eva Rós Halldórsdóttir, Katrín Ásta Jóhannsdóttir og Ragna Björnsdóttir frá frístundaheimilinu Regnboganum. Þær fluttu lagið Maístjörnuna eftir Jón Ásgeirsson við ljóð nóbelsskáldsins, Halldórs Kiljan Laxness . Allir þátttakendur fengu viðurkenningu að keppni lokinni. Kynnir var Sigyn Blöndal, sjónvarpskona á KrakkaRúv.