Félagsmiðstöðvadagurinn
Miðvikudaginn 1. nóvember verður félagsmiðstöðvadagurinn haldinn með pompi og prakt í félagsmiðstöðinni hundraðogellefu. Félagsmiðstöðvadagurinn er haldinn árlega á sama tíma í öllum félagsmiðstöðvum landsins og er tilgangurinn að opna félagsmiðstöðvarnar fyrir foreldrum/forráðamönnum, ömmum og öfum, frændum og frænkum og öllum þeim sem hafa áhuga á að kynna sér starfsemi félagsmiðstöðvanna. Opið verður í félagsmiðstöðinni hundraðogellefu frá klukkan 18 til 21. Boðið verður upp á vöfflur, kaffi og djús. Þá verður spilað Bingó og skemmtilegir vinningar í boði. Við kvetjum alla til þess að mæta, fá sér vöfflu og kynna sér starfsemi félagsmiðstöðvarinnar og jafnvel taka einn bingóleik.