Connection Information

To perform the requested action, WordPress needs to access your web server. Please enter your FTP credentials to proceed. If you do not remember your credentials, you should contact your web host.

Connection Type

 Frístundaheimilið Bakkasel

Bakkasel er frístundaheimili fyrir börn úr 1.-4. bekk í Breiðholtsskóla og er rekið af frístundamiðstöðinni Miðbergi. Forstöðumaður er Tryggvi Dór Gíslason. Aðstoðarforstöðumaður er Sandra Ósk Ingvarsdóttir.

Í Bakkaseli er opið alla daga frá kl .13:40 og til kl. 17:00. Á starfsdögum skóla, foreldraviðtalsdögum og í jóla og páskaleyfi er opið allan daginn í Bakkaseli frá kl. 08:00 – 17:00 að undangenginni skráningu. Greitt er sérstaklega fyrir lengda viðveru á þessum dögum.
Bakkasel er lokað í vetrarleyfi skólans.

Frístundaheimilið Bakkasel er starfrækt í fjórum færanlegum kennslustofum á lóð Breiðholtsskóla. Fyrsti og annar bekkur eru í þremur samliggjandi skúrum, en þriðji og fjórði bekkur er í skúrum við hlið sundlaugar Breiðholtsskóla.  Við höfum haft aðgang að félagsmiðstöð, íþróttasal, tölvuveri og bókasafni skólans.

Börnin mæta í Bakkasel kl. 13:40.
Alla daga er útivera fyrir 1.- 4. bekk.
Fastir liðir eru félagsmiðstöðin Bakkinn, tölvuver, íþróttasalur, bókasafn og klúbba- og smiðjustarf. Einnig fylgjum við börnum sem stunda íþróttir hjá ÍR daglega í  rútu sem keyrir þau á æfingar.

Klúbba- og smiðjustarf er í boði eftir útiveru, eða á milli klukkan 15 og 16 – 16.30. Þá er einnig í boði að fara í val. Meðal þess sem hefur verið í boði má nefna tískuklúbb, prjónaklúbb, útivistarklúbb, vísindaklúbb, bakstursklúbb, spilaklúbb, margvíslegar listasmiðjur og föndur og margt fleira. Auk þess voru starfræktir sérstakir klúbbar í tengslum við hæfileikakeppni, leiklistar- og kvikmyndahátíðir frístundaheimilanna.

Daglega bjóðum við upp á ávexti og grænmeti frá 15.00 til 16.00. Við leggjum mikið upp úr fjölbreytilegu úrvali og höfum meðal annars haft epli, banana, appelsínur, melónur, perur, vínber, ananas, paprikur, gulrætur, gúrkur og fleira.

Boðið er upp á síðdegishressingu frá því að börnin mæta og til kl. ca. 14.20. Þar sem matsalurinn tekur aðeins um fjörutíu manns í sæti er þessi háttur hafður á frekar en að allir borði í einu. Síðdegishressing er hluti af valtöflu Bakkasels og því er matsalnum hvorki skipt eftir kyni eða bekkjum. Áhersla er lögð á það við börnin að þau beri sjálf ábyrgð á að borða, en þó er oft nauðsynlegt að minna þau á að fara í matsalinn.

Reynt er að leggja áherslu á gæði hráefnis og hollustu þegar kemur að síðdegishressingunni. Stuðst er við markmið Lýðheilsustöðvar um hollustu á frístundaheimilum við gerð matseðils. Í matsalnum er vatnsvél og einnig geta börnin fengið sér léttmjólk alla daga.

Dæmi um matseðil er: Mánudagur – AB-léttmjólk með ávöxtum, musli og hnetum, þriðjudagur – Trefjaríkt brauð og álegg (egg, kotasæla, grænmeti og kjúklingaálegg), miðvikudagur –  Grófar pítur með grænmeti og kjúklingaskinku, fimmtudagur – Ávaxta- og grænmetishlaðborð, föstudagur – Hreint skyr og frosnir ávextir.

Við hvetjum börnin til að vera sjálfstæð í matsalnum, eins og að smyrja sjálf, en við erum ávallt innan handar og aðstoðum börnin eins og þarf.

Aðgerðaáætlun Bakkasels

Starfsmenn

Starfsmenn

  • Tryggvi Dór Gíslason
    Tryggvi Dór Gíslason Forstöðumaður frístundaheimilið Bakkasel

    Sími: 695-5039

  • Sandra Ósk Ingvarsdóttir
    Sandra Ósk Ingvarsdóttir Aðstoðarmaður forstöðumanns frístundaheimilið Bakkasel

    Sími: 695-5118

  • Birna Jensdóttir
    Birna Jensdóttir Frístundaleiðbeinandi m/umsjón
    • Elena Bautista Renegado
      Elena Bautista Renegado Frístundaleiðbeinandi m/umsjón
      • Emína Babic
        Emína Babic Frístundaleiðbeinandi
        • Guðrún Ósk Aðalsteinsdóttir
          Guðrún Ósk Aðalsteinsdóttir Frístundaleiðbeinandi
          • Hafrún Ósk Hafsteinsdóttir
            Hafrún Ósk Hafsteinsdóttir Frístundaleiðbeinandi
            • Jenna Katrín Kristjánsdóttir
              Jenna Katrín Kristjánsdóttir Frístundaleiðbeinandi m/umsjón
              • Rebekka Margrét Ágústsdóttir
                Rebekka Margrét Ágústsdóttir Frístundaleiðbeinandi
                • Sveinn Hilmar Harðarson
                  Sveinn Hilmar Harðarson Frístundaleiðbeinandi
                  Frístund +

                  Starfsemi:

                  Starfsmaður tekur á móti börnunum þegar þau mæta í frístund og byrja þau á að fara saman í sér húsnæði (t.d. skólastofu) þar sem þau eiga saman næðisstund, spjalla og fá sér hressingu.

                  Megináherslan í starfinu er að styrkja sjálfsmynd barna og efla þau félagslega. Aðferðarfræðin sem unnið er eftir er að mæta hverjum og einum þar sem hann er staddur og nýta hvatningu og hrós til að styrkja jákvæða hegðun.

                  Sérstök áhersla verður á lestur sem verkfæri við að styrkja barnið og til félagslegra samskipta þar sem börnin verða í paralestri eftir því sem geta þeirra leyfir við að skoða saman stafi og lesa fyrir hvort annað.

                  Mikilvægt er að styrkja félagslega færni barnanna almennt í hópnum og því fara þau í almennt starf um kl. 15.00 þar sem þeim verður fylgt eftir og þau stutt í leik og starfi.

                  Áhersla verður á vináttu, jákvæðni og vellíðan. Mikilvægt er að eiga gott samstarf við foreldra.

                  Undirheimar

                  Undirheimar

                  Undirheimar er frístundaheimili sem rekið er í íþróttahúsinu við Austurberg fyrir þau börn sem stunda þar íþróttir. Þau börn sem fara á æfingar klukkan 16:00 eða 17:00 bíða í Undirheimum eftir að æfing hefjist en börn sem ljúka æfingum klukkan 16:00 geta farið í Undirheima að æfingum loknum og verið þar til lokunar klukkan 17:15. Börnin eru sótt í íþróttahúsið í Austurbergi eða Undirheima þá daga sem þau fara með Breiðholtsstrætó.

                  Handbók

                  Bakkasel

                  Contact Us

                  We're not around right now. But you can send us an email and we'll get back to you, asap.

                  Ólæsilegt? Breyttu textanum. captcha txt