Vinaheimar er frístundaheimili fyrir börn úr 1.-2. bekk í Ölduselsskóla og er rekið af frístundamiðstöðinni Miðbergi. Forstöðumaður er Viktor Orri Þorsteinsson. Aðstoðarforstöðumaður er Arnar Bragi Magnússon
Í Vinaheimum er opið alla daga eftir frá kl.13:40 og til kl. 17:00. Á starfsdögum skóla, foreldraviðtalsdögum og í jóla og páskaleyfi er opið allan daginn í Vinaheimum frá kl. 08:00 – 17:00 að undangenginni skráningu. Greitt er sérstaklega fyrir lengda viðveru á þessum dögum.
Vinaheimar eru lokaðir í vetrarleyfi skólans.
Frístundaheimilið Vinaheimar er starfrækt innan veggja skólans. Við höfum haft aðgang að íþróttasal og kennslustofum skólans.
Börnin mæta í Vinaheima kl. 13:40.
Alla daga er útivera til 15:00 fyrir 1.- 2. bekk.
Fastir liðir eru Listasmiðja, legoherbergi og dótahorn. Við höfum einnig aðgang að íþróttasal skólans og nýtum hann þrisvar í viku Einnig fylgjum við börnum sem stunda íþróttir hjá ÍR daglega í rútu sem keyrir þau á æfingar.
Klúbba- og smiðjustarf er í boði eftir útiveru, eða á milli klukkan 15 og 16 – 16.30. Þá er einnig í boði að fara í val. Meðal þess sem hefur verið í boði má nefna naglalakk, útivistarklúbb, bakstursklúbb, spilaklúbb, hárgreiðsluklúbb, margvíslegar listasmiðjur og föndur. Auk þess voru starfræktir sérstakir klúbbar í tengslum við hæfileikakeppni, leiklistar- og kvikmyndahátíðir frístundaheimilanna.
Daglega bjóðum við upp á ávexti og grænmeti frá 15.00 til 16.00. Við leggjum mikið upp úr fjölbreytilegu úrvali og höfum meðal annars haft epli, banana, appelsínur, melónur, perur, vínber, ananas, paprikur, gulrætur, gúrkur og fleira.
Boðið er upp á síðdegishressingu frá því að börnin mæta og til kl. ca. 14.30. Við leggjum áherslu á að útivera og síðdegishressing sé á sama tíma þar sem matsalurinn er ekki nægilega stór til að taka á móti öllum börnunum í einu. Börn sem fara í íþróttarútuna byrja þó alltaf á því að borða um leið og þau koma svo þau borði áður en lagt er af stað á æfingu. Reynt er að leggja áherslu á gæði hráefnis og hollustu þegar kemur að síðdegishressingunni. Stuðst er við markmið Lýðheilsustöðvar um hollustu á frístundaheimilum við gerð matseðils. Í matsalnum er mjólkurvél og einnig geta börnin fengið sér vatn alla daga. Vatnsvélin er staðsett við móttöku Vinaheima.
Dæmi um matseðil er: Mánudagur – AB-léttmjólk með ávöxtum og musli, þriðjudagur – Trefjaríkt brauð og álegg (egg, kæfa, grænmeti, ostur, mysingur og skinka), miðvikudagur – Jógúrt með musli, fimmtudagur – Brauðmeti og álegg, föstudagur – Oft er eitthvað óvænt í matinn í enda vikunnar.
s: 695-5036
Hann/he
Sími: 665-4866
um
um