Heilir dagar, óskilamunir og barnamenningahátíð.

 í flokknum: Vinasel

Í dag er síðasti dagurinn til þess að skrá börnin á heilan dag um páskana. Það eru dagarnir 15. apríl, 16 apríl og 17. apríl. Á heilum dögum þarf að skrá börnin sérstaklega. Foreldrar þurfa að greiða aukalega fyrir tíma fyrir hádegi og ef barnið á ekki pláss á þessum dagi. Skráningin fer fram á umsokn.fristund.is, við munum ekki taka við óskráðum börnum. Foreldrar þurfa að skrá börnin sama hvort þau séu allan daginn eða fyrir eða eftir hádegi. Börnin eiga að vera með tvö nesti og klædd eftir veðri.

Við erum með heil ósköp af óskilamunum og hefur ástandið ekki batnað eftir að börnin í 1. bekk eru hjá okkur á morgnana. Á heilu dögunum ætlum við að dreifa vel úr óskilamununum þannig að foreldrar eiga auðveldara með að skoða þá og vonandi að finna það sem vantar. Það verður síðan opið hús hjá okkur frá 8-10 og frá 16-17 alla daga, vonandi sjáum við sem flesta foreldra. Við minnum líka foreldra á að öll föt barnanna eiga að vera merkt með nafni barnsins.

Í þessari viku er barnamenningarhátíð í Reykjavík og hvetjum við foreldra til þess að kynna sér skemmtilega dagskrá um alla borg. Við bendum sérstaklega á Ævintýrahöllina sem verður staðsett í Gerðubergi. Þar er margt skemmtilegt að í boði m.a. Vináttuteppið sem er verkefni sem börn í Vinaseli tóku þátt í að gera ásamt öðrum frístundaheimilum í Breiðholti.

Getið skoðað þetta allt saman á barnamenningarhatid.is.

Á föstudaginn, næstkomandi, er leiklistahátíð Miðbergs fyrir börnin í 1. og 2. bekk. Börnin ætla að sýna Ávaxtakörfuna. Hún verður haldin í hátíðarsal Breiðholtsskóla klukkan 14:45. Salurinn er því miður ekki nægilega stór fyrir öll börnin þannig að eingöngu leikendur fara á sýninguna og hin börnin verða eftir í Vinaseli. Foreldrum leikenda er jafnframt boðið að koma og sjá sýninguna. Ættu þeir að fá boðskort í dag eða á morgun.

 

Nýlegar færslur
Contact Us

We're not around right now. But you can send us an email and we'll get back to you, asap.

Ólæsilegt? Breyttu textanum. captcha txt