Heill dagur, Stjörnupartý og útinámsvika.
Það er skipulagsdagur í Seljaskóla 9. október og þá verður heill dagur í Vinaseli. Á heilum dögum er lokað í skólanum en opið í Vinaseli allan daginn þ.e.a.s. frá kl. 8:00 – 17:00. Þessa daga þarf að skrá barnið sérstaklega og greiða fyrir sérstaklega. Síðasti dagurinn til þess að skrá barnið er 2. október (í dag). Þið skráið ykkur inn á Rafræna Reykjavík eins og þegar þið sóttuð um frístund upphaflega og veljið þar að skrá í lengda viðveru. Þar veljið þið dag og hvort barnið á að vera heilan eða hálfan dag. Ef þið þurfið aðstoð getið þið haft samband.
Það verður aldeilis fjör hjá okkur í þessari viku. Í dag fá börnin að njóta uppskeru erfiðisins síns og er Stjörnupartý. Börnin safna saman gullmolum í krukku sem þau fá fyrir að standa sig vel t.d. að vera dugleg að taka til, hafa hljóð í samveru og annað í þeim dúr. Þegar það er Stjörnupartý þá er pizza í matinn eða eitthvað í þeim svipað og við horfum á bíómynd. Það verður hægt að gera ýmislegt fleira eins og að fara í íþróttasal og ýmiskonar föndur verður í boði fyrir áhugasama.
Á þriðjudaginn byrjar síðan útinámsvika í Vinaseli. Við vonum að veðrið verði okkur hliðstætt. Við ætlum að gera ýmislegt skemmtilegt t.d. fara í ratleik, píluleik og kubb. Á föstudeginum ætlum við að hitta önnur frístundaheimili í Hólmaseli frá klukkan 14:15 til 15:15 og grilla pylsur og fara í leiki. Við verðum komin aftur í Vinasel um klukkan 15:30. Öll börn sem eiga að fara á æfingar á föstudeginum verða send á æfingar nema við fáum upplýsingar um annað.