Klúbbastarf, þessi vika og heill dagur.

Við erum byrjuð með skemmtilega klúbba og má þar helst nefna vísindaklúbb, keilublúbb og tónlistarklúbb. Í vísnindaklúbbi gera börnin ýmiskonar tilraunir með starfsmönnum. Í síðustu viku  blésum við upp blöðru með ediki og gerðum ,,Lava lampa“ úr matarolíu, matarlit og gostöflum. Í tónlistarklúbbinum fáum við heimsókn frá henni Margréti Arnardóttir, tónlistarkonu, sem syngur með börnunum. Í þessari viku byrjar síðan hekluklúbbur, þar sem áhugasamir geta lært að hekla. Síðar í vetur tökum við þátt í sameiginlegu verkefni með öðrum frístundaheimilum í Breiðholti þar sem við ætlum öll að leggjast á eitt og hekla saman teppi en meira um það síðar.

 Í þessari viku er vetrarfrí í skólanum og þá er Vinasel líka lokað. Einnig er starfsdagur hjá okkur í Vinaseli á miðvikudaginn og er þá einnig lokað.

 Mán 15.10 Venjulegur dagur í skólanum og í Vinaseli

Þri 16.10 Venjulegur dagur í skólanum og í Vinaseli

Mið 17.10 Venjulegur dagur í skólanum og lokað í Vinaseli

Fim 18.10 Lokað í skólanum og Vinaseli

Fös 19.10 Lokað í skólanum og Vinaseli

Mán 22.10 Lokað í skólanum og Vinaseli

Þri 23.10 Venjulegur dagur í skólanum og í Vinaseli

 Það er heill dagur 31. október. Á heilum dögum þarf að skrá börnin sérstaklega. Foreldrar þurfa að greiða aukalega fyrir tíma fyrir hádegi og ef barnið á ekki pláss á þessum dagi. Skráningin fer fram á umsokn.fristund.is, við munum ekki taka við óskráðum börnum. Foreldrar þurfa að skrá börnin sama hvort þau séu allan daginn eða fyrir eða eftir hádegi. Börnin eiga að vera með tvö nesti og klædd eftir veðri.

Síðasti dagurinn til þess að skrá barnið er á 24.10.18Við bendum foreldrum á að ef þið fáið ekki staðfestingapóst um skráningu þá er barnið ekki skráð. Ef þið þurfið frekari leiðbeiningar eða aðstoð þá megið þið endilega hafa samband.

Við bendum foreldrum á að Vinasel er hnetulaust frístundaheimili. Það ber að hafa í huga þegar nesti fyrir börnin er valið.

Ef þið þurfið að nálgast okkur í síma þá eru þetta númerin sem hægt er að hringja í:

Fyrir hádegi: 411-5762

Eftir hádegi: 664-4330