Kvikmyndahátíð fyrir 2. bekk, lokað 1. maí og sumarfrístund.

Á fimmtudaginn er kvikmyndahátíðin Filman í Sambíóunum í Álfabakka, þar sem börn í frístundaheimilum í 3. og 4. bekk sýna afrakstur kvikmyndaklúbbs sem þau hafa verið með í vetur. Krökkunum í 2. bekk í Vinaseli er boðið að koma og horfa á myndirnar. Við leggjum af stað strax eftir að skóla líkur og verðum komin um klukkan 16:30. Þau börn sem eru skráð í tómstundir verða send í þær nema við fáum upplýsingar um annað. Ef börnin eiga ekki að fara með í ferðina þá megið þið endilega láta vita.

Það er auðvitað lokað í Vinaseli 1. maí í næstu viku.

Með rísandi sólu reynum við að vera meira úti í Vinaseli og höfum verið með skipulagða dagskrá í útiveru. Eins t.d. útileiki, kubb og íþróttir.