Þorravika, þorrakaffi og hæfileikakeppni.

Það er þorravika í Vinaseli þessa vikuna. Við ætlum að leyfa börnunum að smakka þorramat og gera föndur m.a. tengt íslenskum rúnum. Það verður þorrafræðsla þar sem við ræðum við börnin um þorrann.

Á föstudaginn (19.1.18) verður þorrakaffi fyrir feður, afa eða frændur barnanna á milli 16:00 og 17:00. Vonandi sjáum við sem flesta.

Við biðjum foreldra um að vera dugleg að upplýsa okkur um breytingar á tómstundum barnanna eða ef æfingar falla niður.

Í síðust viku byrjuðum við að kynna hæfileikakeppni frístundaheimilanna fyrir börnunum og er þó nokkrir búnir að skrá sig. Þetta er árlegur viðburður sem hefur tekist mjög vel. Öll börnin í Vinaseli eiga kost á að taka þátt verður undankeppninni sem verður í Vinaseli 1. febrúar. Í undankeppninni komast tvö atriði áfram í aðalkeppnina sem er í Hátíðarsal Breiðholtsskóla 9. febrúar. Þannig að fram að keppninni verðum við að hjálpa börnunum að útfæra og æfa atriðin sín.