Þrír skólar úr Breiðholtinu í úrslit Skrekks

Skrekkur er árleg hæfileikakeppni fyrir grunnskólanemendur í Reykjavík. Allir grunnskólar með unglingadeild geta sent eitt atriði í keppnina. Undanúrslitin fóru fram í nýliðinni viku, en átta skólar keppa til úrslita í Borgarleikhúsinu í kvöld, mánudaginn 12. nóvember. Gaman er að segja frá því að þrír skólar úr Breiðholtinu keppa til úrslita í kvöld: Breiðholtsskóli, Seljaskóli og Hólabrekkuskóli. Það er frábært að fylgjast með þessum hæfileikaríku ungmennum sýna listir sínar, en við hvetjum ykkur til að horfa á keppnina í beinni útsendingu á RÚV kl. 20:00.