Vikan og gagnlegar upplýsingar.

Fyrsta heila vikan okkar er hafin. Dagskráin verður einföld fyrstu vikurnar meðan börnin í 1. bekk eru að læra inn á nýtt umhverfi og við erum að koma starfinu almennilega af stað. Við byrjum síðan með meira krefjandi dagskrá í september. Við erum með mörg spennandi verkefni í bígerð sem við verðum með í vetur. En bestu fréttirnar eru að það er loksins verið að taka svæðið fyrir utan Vinasel í gegn þannig að við getum nýtt okkur það í auknum mæli í vetur og að það er verið að úthluta okkur stærra húsnæði. Þetta verða frábærar breytingar fyrir okkur og mun bæta og auðvelda starfið okkar töluvert.

Í Vinaseli er farið í útiveru á hverjum dagi. Það er því mikilvægt að börnin séu með föt við hæfi.

Þegar börnin eru sótt þarf að láta starfsfólk vita þannig að við getum merkt barnið út á mætingarlistanum okkar.

Í vetur verðum við með Facebook hóp (group) fyrir foreldra. Hópurinn verður lokaður og aðeins fyrir foreldra barna í Vinaseli að hverju sinni. Tilgangurinn er að auka upplýsingaflæðið til foreldra, að auðvelda okkur að deila myndum og gagnlegum upplýsingum til ykkar á aðgengilegri hátt. Við viljum að foreldrar noti tölvupóst áfram til þess að koma upplýsingum til okkar og spurningum og athugasemdum. Við áskilum okkur rétt til að eyða athugasemdum sem okkur finnst ekki eiga heima á þessum vettvangi. Við munum halda áfram að senda tölvupóst til foreldra. Facebook hópurinn heitir „Vinasel 2018-2019” hægt er að óska um aðild að hópnum á eftirfarandi vefslóð:

https://www.facebook.com/groups/2681359612088389/

Nú fara íþróttaæfingar og aðrar tómstundir að hefjast hjá börnunum.  Íþróttarúta ÍR gengur frá Vinaseli í Austurberg á hverjum degi og fá börnin fylgd frá starfsmanni Miðbergs frá Vinaseli í rútuna. Það er á ábyrgð foreldra að láta Vinasel vita ef tómstundir falla niður og biðjum við ykkur að passa upp á að hafa gott upplýsingaflæðið. Að gefnu tilefni bendum við á að börnin eiga ekki að bera ábyrgð á því að miðla til okkar upplýsinga um hvort þau eigi að fara á æfingar eða ekki, það er á ábyrgð foreldra.

Tölvupósturinn er lesin fyrir til klukkan 12:00. Ef þið þurfið að koma upplýsingum til okkar eftir þann tíma þá þurfið þið að hringja.

Ef þið þurfið að nálgast okkur í síma þá eru þetta númerin sem hægt er að hringja í:

Fyrir hádegi: 411-5762

Eftir hádegi: 664-4330

Magnús Loftsson, forstöðumaður: 695-5038

Jolanta Maszkiewicz, aðstoðarmaður forstöðumanns: 664-7686

Við bendum á að ef það á að breyta um dagafjölda í Vinaseli þá þarf að gera það fyrir 15. hvers mánaðar.