Skráning á næsta skólaár, styrkur og viðburðir fram undan

Kæru foreldrar og forráðamenn

Núna í seinustu viku opnaði skráning í frístund fyrir næsta haust og mælum við með að þið skráið börnin ykkar sem fyrst svo hægt sé að manna vetrarstarfið að fullu svo það myndist ekki biðlistar þar sem börn í 1 bekk hafa forgang að plássum.

Í dag mánudaginn 8.mars opnar fyrir skráningu á heila daga yfir páskana sem líkur svo 22.mars og verður skráningin þá bindandi eftir það. Dagarnir sem um ræðir eru 29, 30 og 31. mars.

Minnum á að börnin þurfa að vera bæði vel klædd til útiveru og með tvö holl og góð nesti.

Í æstu viku (15-19 mars) verðum við með vinaviku þar sem við stokkum barnahópnum upp í nokkra blandaða hópa sem munu fara í leiki og verkefni saman í vikunni. Von okkar er sú að uppúr þessu myndist nýjar vináttur og börnin kynnist fleiri börnum innan hópsins.

Hafa ótrúlegustu og ólíklegustu vinátturnar myndast í þessum vinavikum hjá okkur í gegnum árinn og hlökkum við til að sjá hverjar munu koma út frá þessari viku 😊

Við endum svo vikuna með léttu pizzu og danspartýi þar sem farið verður í skemmtilega hópleiki meðal annars.

Athugið hvort þið eigir rétt hér á auka frístundastyrk upp á 45.000kr

Lengdur umsóknarfrestur er til 15 apríl nk.