Öskudagur, vetrarleyfi og Réttindatröll
Nú er janúar loksins búinn og febrúar genginn í garð. Við erum auðvitað enn þá í hólfum en vonum að við getum hafið eðlilegt starf sem fyrst. Það sem er fram undan í febrúar er öskudagurinn og vetrarleyfi. Við höfum verið með öskudagsball með frístundaheimilinu í Ölduselskóla síðustu ár en ég held að það sé full mikil bjartsýni að vonast eftir því. En vonandi megum við hafa öll börnin í Vinaseli saman á balli 17. febrúar. Síðan er vetrarleyfi hjá börnunum 22. og 23. febrúar og þá er lokað í Vinaseli og í Seljaskóla.
Við erum byrjuð aftur á verkefninu „Réttindatröllið“, sem við byrjuðum á í haust en settum á ís vegna Covid. Verkefnið felst í því að taka börn í smærri hópa og ræða greinar í Barnasáttmála sameinuðu þjóðanna. Skemmtilegt verkefni sem kemur af stað góðum umræðum meðal barnanna.