Vetrarfrí, Leikrit og öskudagur
Nú er seinasta vikan í febrúar að æða áfram 😊
Við erum búin að halda skemmtilegt þorrakaffi og góukaffi og þökkum við fyrir frábæra mætingu.
Einnig tóku tvö atriði þátt frá Álfheimum í Breiðholt Got Talent og stóðu börnin sig mjög vel.
Í þessari viku er nóg af fjöri, í gær var bolludagurinn og var börnunum boðið upp á bollu í tilefni dagsins. Á morgun er öskudagur, þá eru Álfheimar opnir eins og venjulega og ætlum við að halda öskudags diskótek.
Föstudaginn 28.02.20 og mánudaginn 02.03.20 er vetrarfrí og því lokað bæði í skólanum og í Álfheimunum.
Mánudaginn 02.03.20 verður fjölskylduskemmtun á torginu hjá Miðbergi. Það verður boðið upp á grillaðar pylsur, Tarsanleik, Zumba, föndur, andlitsmálning, grímugerð og fleira fjör.
Tarsanleikurinn fer fram í íþróttahúsinu í austurbergi frá kl 13:00-14:00.
Önnur dagskrá fer fram á torginu hjá Miðbergi/Gerðubergi frá kl 14:00-16:00.
Einnig viljum við minna á að 17.mars er heill dagur í Álfheimum og lýkur skráningu fyrir þann dag 10.MARS. Ekki verður hægt að taka á móti óskráðum börnum þann dag, óskum eftir að tímaramminn verði virtur.
Einnig er leikhópur núna sem ætlar að syngja og dansa við leikritið Benedikt Búálfur. Sýningin fer fram föstudaginn 13.mars í sal Breiðholtsskóla, foreldrum þátttakenda verður boðið á sýninguna og fara boðsmiðar heim þegar nær dregur.
Minnum á að hringja og senda tölvupósta fyrir kl 12:30 ef það eru einhverjar breytingar á vistun barnanna, mikið álag er á frístundaheimilinu eftir hádegi og því meiri lýkur á misskilningi eða mistökum ef það er verið að hringja mikið inn eftir hádegi.
Bestu stuðkveðjur frá Áflheimum
Starfsfólk Álfheima