vikan 20-24. febrúar
Kæru foreldrar/forráðamenn
Góukaffi í dag
Það er margt og mikið um að vera í Álfheimum þessar vikurnar og hefur verið mikið fjör og gaman.
Við fórum með 2 atriði áfram í aðalkeppni Breiðholt Got Talent hæfileikakeppni frístundaheimililana og stóðu börnin sig afar vel.
Við erum að keyra Harry Potter þemað og voru börnin að búa til galdrasprota í síðustu viku, börnin hafa gaman af þemanu og eru þau áhugasöm að kynnast galdraheimi Harry Potter. Galdrasprotagerðin mun halda áfram í dag.
Það er mikið um að vera í þessari viku. Í dag er Góukaffi kl 15:30-17:30 fyrir allar mömmur, ömmur, frænkur eða vinkonur, væri gaman ef einhver þeirra getur komið og gætt sér á bollu og föndrað með börnunum sínum (systkini auðvitað velkomin).
Á miðvikudaginn er öskudagur, dagurinn hjá okkur Álfheimum er hefðbundinn að því leytinu að við byrjum á sama tíma og venjulega kl 13:40 og munum við setja diskóljós á í salnum og virða fyrir okkur alla skemmtilegu búningana. Fyrir veturinn fékk Miðberg frístundamiðstöð styrk til að fjárfesta í boxpúðum og fylgihlutum. Þetta verður eitthvað sem er ekki alltaf í boði og verður undir leiðsögn starfsmanns.
Á fimmtudag og föstudag er Vetrarfrí skólans, og því er LOKAÐ bæði í Álfheimum og skólanum.
Opnað hefur verið fyrir skráningu á heila daga vegna starfsdags skólans þann 17.mars og í páskafríinu. Seinasti skráningadagur vegna starfsdags 17.mars, er 3.mars og seinasti skráningadagur fyrir páskadagana, er 20.mars.
Við minnum á að vera dugleg að fara yfir óskilamuni barnanna (endilega kíkja í körfurnar í dag).
Ef það eru einhverjar spurningar eða eitthvað óljóst, þá biðjum við ykkur að hafa samband við okkur í frístundaheimililnu 664-4304 eða alfheimar@rvkfri.is
Annars óskum við ykkur bara góðrar viku og njótið bolludagsins
Hér í viðhengi er að finna dagskrá fyrir þessa viku
Bestu kveðjur,
Starfsfólk Álfheima
Nýlegar færslur