Vor, Vinátta og Regnboginn.
Í síðustu viku kláruðum við Harry Potter þemað okkar sem er búið að vera hjá Miðbergi í um mánuð. Börnin hafa tekið persónuleikapróf til að finna út í hvaða Hogwarts húsi þau tilheyra, föndrað töfrasprota, músastiga, bindi og ýmislegt annað og við höfum horft á Harry Potter 1 & 2. Í síðustu viku var líka vor orkan byrjuð að hellast yfir okkur og var föndrað ýmis blóm, sveppi og plöntur í vikunni.
Í þessari viku ætlum við að byrja á nýju þema sem heitir Græna byltingin og þá byrjum við með gróðursetningarklúbb í Vinasel. Í þessum klúbb munu börnin sem taka þátt fá að læra um plöntur, gróður setja fræ og gera ýmislegt annað sem tengist plöntum. í þessari viku er líka vináttuklúbbur að byrja í Vinasel þar sem ýmis verkefni og leikir verða þar sem við reynum að kenna börnunum um vináttu, kærleik og samskipti.
Við minnum á að umsóknir fyrir frístund næsta skólaár eru opnar og börn fædd 2016 og 2017 sækja um í Vinasel enn börn fædd 2015 þurfa að sækja um í Regnbogann. Regnboginn er safnfrístund fyrir börn úr 3.-4. bekk í Seljaskóla og Ölduselsskóla og í gegnum árin hafa verið biðlistar með að komast inn þannig við hvetjum ykkur til að sækja um sem fyrst. Páskarnir eru líka á næsta leiti og yfir páskana er opið hjá Vinasel 3.-5. apríl þannig opið er fyrir skráningu fyrir þessa daga á Völu.
Minnum svo á að á Miðvikudaginn 15. mars er heill dagur hjá okkur í Vinasel og þá er lokað í skólanum og hjá okkur nema fyrir börnin sem eru skráð.