Miðberg

Vorið 2015 fóru starfsmenn Miðbergs í heimsókn til Varsjár Póllandi. Í framhaldi af þeirri heimsókn var okkur boðið að taka þátt í áhugaverðu samstarfsverkefni. Pólland var umsóknaraðili og haustið 2015 hófum við samstarf við skóla frá Póllandi, Kýpur og Ítalíu um gerð handbókar sem ber nafnið „Developing competencies of teaching team to develop creativity in children“.

Hér til hliðar og að neðan má sjá samstarfsaðila okkar og einnig verður verkefni og handbókin birt hér á síðunni. Við munum fyrst birta allt á ensku og síðar mun efnið birtast einnig á íslensku.

Ráðstefnan Markmið og gleði

Þann 20.febrúar sl. fór fram ráðstefna Erasmus+ og frístundamiðstöðvarinnar Miðbergs. Ráðstefnan var lokapunkturinn í Erasmus+ samstarfi Miðbergs við 5 aðrar stofnanir frá Póllandi, Kýpur og Ítalíu. Verkefnið snérist um að vinna handbók fyrir kennara til þess að auka skapandi hugsun.

Á ráðstefnunni fóru fram skemmtilegir og ólíkir fyrirlestrar frá Önnu Steinsen, Eygló Rúnarsdóttur og Elísabetu Margeirsdóttur. Skúli Helgason hjá Skóla- og frístundaráði var svo með lokaorð.

Hér fyrir neðan má sjá nokkrar myndir frá ráðstefnunni: