Miðberg

Frístundamiðstöðin Miðberg stendur fyrir fjölbreyttu starfi fyrir börn og ungmenni frá aldrinum 6 – 16 ára. Frístundamiðstöðin Miðberg er byggð á grunni Fellahellis og hefur hún þjónað Breiðholtsbúum frá árinu 1974. Markmið Miðbergs er að veita börnum og ungmennum innihaldsríka þjónustu í frítíma þeirra. Mikið er lagt upp úr því að bjóða upp á fjölbreytt og áhugavert frístundastarf. Uppbygging þjónustu í frítímanum er ein af kröfum nútímans. Þar á að vera vettvangur tómstunda, menntunar, menningar og uppeldis undir handleiðslu hæfra starfsmanna. Frá Miðbergi er stutt í náttúruperluna Elliðaárdalinn og Breiðholtslaugin er hinum megin við götuna. Starfsemi Miðbergs skiptist í barna- og unglingastarf:

Undir stjórn deildarstjóra barnastarfs eru rekin sex frístundaheimili: Álfheimar við Hólabrekkuskóla, Bakkasel við Breiðholtsskóla, Vinaheimar við Ölduselsskóla , Vinasel við Seljaskóla, Regnboginn við Hólmasel safnfrístund fyrir 3. og 4. bekk í Selja- og Ölduselsskóla og Hraunheimar við Hraunberg 12 safnfrístund fyrir 3. og 4. bekk í Fella- og Hólabrekkuskóla.

Undir stjórn deildarstjóra unglingastarfs eru reknar fjórar félagsmiðstöðvar: Hundrað&ellefu við Gerðuberg 1 sinnir Hólabrekku- og Fellaskóla. Hólmasel við Hólmasel 4-6 sinnir Selja- og Ölduselsskóla og Bakkinn í Breiðholtsskóla. Félagsmiðstöðvarnar eru með starf fyrir aldurinn 10-12 ára og 13-16 ára. Sértæka félagsmiðstöðin Hellirinn er við Kleifarsel 18 og veitir þjónustu fyrir 10-16 ára börn sem búa í eða ganga í skóla í Breiðholti.

Deildirnar vinna saman að öðrum verkefnum sem snúa að hverfahátíðum og öðrum viðburðum/verkefnum sem tengjast hverfisbúum og samstarfsaðilum í hverfinu.

Unnið er samkvæmt stefnumörkun og gæðaviðmiðum Skóla- og frístundasviðs (SFS). Lögð er sérstök áhersla á forvarnarstarf , að stuðlað sé að jákvæðum félagsþroska, að starfsemin standi öllum til boða og að fyrirliggjandi séu upplýsingar um íþrótta- og tómstundartilboð í hverfinu.

Frístundamiðstöðin Miðberg
Álfabakka 10
109 Reykjavík
Sími: 411 5750
Netfang: midberg@rvkfri.is
Heimasíða: www.midberg.is

Opnunartímar skrifstofu

Kl. 9.00 – 16.00

Starfsmenn