Nýtt skólaár í Hundraðogellefu

Félagsmiðstöðin hundraðogellefu hefur opnað aftur eftir sumarfrí. Okkur hlakkar mikið til að hefja starfið með börnunum í hverfinu, hitta þau eftir fríið og heyra hvað þau hafa haft fyrir stafni í sumar. Í upphafi hvers mánaðar verður dagskrá mánaðarins sett hingað inn á heimasíðuna auk þess sem foreldrar fá reglulega upplýsingapósta um starfið. Opið verður fyrir unglinga í 8.-10. bekk  á mánudags, þriðjudags og miðvikudagskvöldum frá 19:00-21:45 og á föstudagskvöldum frá 19:00-22:45. Þá er einnig opið á mánudögum og miðvikudögum frá 14:00-16:30.

Þá hefur félagsmiðstöðin einnig opnað aftur fyrir börn í 5.-7. bekk. Fyrir þau sem eru í 5. og 6. bekk er opið á þriðjudögum frá 14:30-16:30 og einnig á föstudögum frá 17:00-18:30. Fyrir börn í 7. bekk er opið á miðvikudögum frá 17:00-19:00 og á föstudögum frá 17:00-18:30.

Við viljum hvetja ykkur foreldar/forráðamenn til þess að hvetja börnin ykkar til að taka þátt í starfi félagsmiðstöðvarinnar.