Hæfileiksýning á föstudaginn, leiklist og nýja rýmið.

Núna á föstudaginn 1.2 verður hæfileikasýning í Vinaseli. Hæfileikasýningin hefst klukkan 14:45. Foreldrar keppanda eru velkomnir. Alls eru þetta sjö atriði sem taka þátt á föstudaginn og verða tvö þeirra valin til þess að taka þátt í hæfileikakeppni frístundaheimilanna í Breiðholti. Hún verður haldin 8.2.

Við erum búin að vera með leiklistarklúbb fyrir 2. bekk í vetur. Núna er leikritið sem þau eru búin að vera að æfa að smella saman og stefnum við á að sýna verkið í lok febrúar. Nánar um það síðar.

Þorrakaffið okkar gekk ljómandi vel og núna er í undirbúningi Góu kaffi sem verður í kringum konudaginn.

Þannig að það er nóg að gera í febrúar í Vinaseli

Við fengum fyrir stuttu afhent nýja rýmið okkar, það býður upp á marga skemmtilega möguleika. Við getum nýtt það töluvert núna strax en stefnum á að innrétta það betur eftir okkar þörfum. Það er frábær viðbót fyrir okkur og eykur möguleika okkar mjög mikið í að gera fjölbreyttara og betra starf.

Við fengum nýja vatnsvél í janúar sem er kannski ekki frá sögu færandi nema fyrir það að nú geta börnin fengið sódavatn, mörgum til mikillar gleði

Þetta er það sem er helst í fréttum úr Vinaseli.

22. febrúar verður lokað í Vinaseli vegna starfsdags. 25. og 26. febrúar er síðan vetrarleyfi og þá er lokað í skólanum og Vinaseli.