Fréttir frá Hraunheimum
Komið þið sæl.
Núna er starfið loksins komið í rétt horf hjá okkur og flestir komnir aftur eftir að hafa verið í sóttkví. Í gær var útieldun, bakstur og kvikmyndaklúbbur hjá okkur. Kvikmyndaklúbburinn gengur vel og er verið að leggja loka hönd á handritið. Kvikmyndin verður svo sýnt í Breiðholtsskóla í desember. Nánari dagsetning kemur síðar. Á þriðjudögum er útieldun hjá okkur þegar veður leyfir og höfum við verið frekar heppin með veður síðustu vikur. Bakstur er að jafnaði 2 í viku og hefur það vakið mikla lukku hjá börnunum. Á miðvikudögum er í boði að fara í íþróttahús í Fellaskóla og hefur það verið mjög vinsælt og góð mæting.
Á föstudögum erum við með 4. bekkjarklúbb í Miðbergi, þar fá börnin að spila leiki í playstation og nintendo, einnig er í boði að fara í borðtennis.
Mikilvægt er að láta okkur vita með forföll eða breytingar á vistunartíma barnanna fyrir hádegi ef hægt er, best er að fá tölvupóst fyrir kl 12 eða SMS í mætingarsímann 664-4522. Tölvupósturinn er ekki vaktaður eftir hádegi og ekki víst að við sjáum póstinn þegar starfið er komið á fullt. Mikið álag er í húsinu frá kl: 13:30-15:00 og erfitt að taka á móti símtölum á þeim tíma.
Við minnum á að LOKAÐ er í vetrarfríinu 22. okt, 25. okt og 26. okt.
https://www.facebook.com/groups/810634522943201
Bestu kveðjur,
Starfsfólk Hraunheima