Bolludagur, öskudagur og næsta vika.

Síðasta vika var aldeilis skemmtileg vika hjá okkur í Vinaseli. Veðrið er búið að vera frábært og við erum búin að vera mikið úti að leika í snjónum. Á mánudaginn var bolludagur sem vakti auðvitað mikla gleði og síðan var öskudagur á miðvikudaginn. Við fórum á ball í Ölduselskóla þar sem hann Gísli í 2. bekk vann til verðlauna fyrir besta búninginn.

í þessari viku ætlum við að hafa stjörnupartý á föstudaginn og verður pylsur í matinn. í þessari viku ætlum við að byrja á þema verkefninu okkar sem er að þessu sinni teiknimyndasögur og ætlum við að leyfa þeim sem vilja að búa til sögu, persónur og enda síðan á að teikna söguna upp á þar til gerð blöð. Þetta er fín æfing fyrir börnin að nota ímyndunaraflið og fá smjörþefinn af því hvernig þau byggja upp sögu. Við minnum á Facebook grúbbuna okkar, það á að vera nóg að leita bara að „Frístundaheimilið Vinasel 2016-2017“, þar er hægt að sjá myndir úr starfinu og fá fréttir.