Vikan, barnalýðræði og heill dagur .

Við erum með ýmislegt í boði í þessari viku og ber þá helst að nefna, bingó, bakstur og vísindaklúbb. Við byrjuðum með útieldun í síðustu viku sem gekk ljómandi vel og komust færri að en vildu. Við munum því halda áfram í útieldun næstu vikurnar. Í þessari viku  ætlum við að byrja með Yogaklúbb sem við verðum með á hverjum föstudegi eitthvað fram eftir vetri.

 Núna á fimmtudaginn ætlum við að leyfa börnunum að kjósa hvað þau vilja gera í stjörnupartýinu sem verður í næstu viku. Við bjóðum þeim þá upp á nokkra spennandi valkosti sem þau geta kosið um.

 Það er heill dagur 22. október. Á heilum dögum þarf að skrá börnin sérstaklega. Foreldrar þurfa að greiða aukalega fyrir tíma fyrir hádegi og ef barnið á ekki pláss á þessum dagi. Skráningin fer fram á umsokn.fristund.is, við munum ekki taka við óskráðum börnum. Foreldrar þurfa að skrá börnin sama hvort þau séu allan daginn eða fyrir eða eftir hádegi. Börnin eiga að vera með tvö nesti og klædd eftir veðri.

 Síðasti dagurinn til þess að skrá barnið er á 16.11.18. Við bendum foreldrum á að ef þið fáið ekki staðfestingapóst um skráningu þá er barnið ekki skráð. Ef þið þurfið frekari leiðbeiningar eða aðstoð þá megið þið endilega hafa samband.

Við bendum foreldrum á að Vinasel er hnetulaust frístundaheimili. Það ber að hafa í huga þegar nesti fyrir börnin er valið.

Ef þið þurfið að nálgast okkur í síma þá eru þetta númerin sem hægt er að hringja í:

Fyrir hádegi: 411-5762

Eftir hádegi: 664-4330