Kærleiksdagur Miðbergs

Ágætu foreldrar og forráðamenn

Eins og flest ykkar hafa vonandi orðið vör við munu frístundaheimilin í Breiðholti standa fyrir Kærleiksdegi laugardaginn 8. desember nk., milli kl. 14 og 16 í sal Hólabrekkuskóla. Allur ágóði af deginum mun renna til uppbyggingar leiksvæðis barna í Kvennaathvarfinu.

Meðal þess sem verður á dagskrá er happdrætti, með fjölda glæsilegra vinninga. Í dag munum við hefja sölu á miðum í happdrættið. Miðinn kostar 1.000 krónur og verður til sölu á frístundaheimilunum í vikunni og síðan á Kærleiksdeginum sjálfum. Athugið að greiða þarf með peningum.

Við viljum hvetja ykkur sem flest til að kaupa miða í happdrættinu, koma til okkar í Hólabrekkuskóla á laugardaginn og styðja þarft málefni.

Með kærleikskveðju,

Starfsfólk frístundaheimilanna