Heilir dagar, hæfileikakeppni frístundaheimilanna og það helsta í vikunni.
Þá er starfið okkar komið á fullt eftir hátíðarnar. Allir heilir dagar eru komnir inn á Völu fyrir þessa önn. Sá fyrsti er 8. febrúar og er skráning hafin á Vala.is.
Í þessari viku ætlum við að byrja að undirbúa okkur fyrir hæfileikakeppni frístundaheimilanna, Breiðholts got talent. Keppnin fer fram í febrúar og þá sendir hvert frístundaheimili í Breiðholti tvö atriði til þátttöku. Þessi keppni hefur verið fastur liður hjá okkur á vorönn núna í nokkur ár og hefur hún notið mikillar lukku meðal barnanna. Við ætlum að gera ýmislegt annað í vikunni og má þar helst nefna, jóga-klúbba, actionary og ukulele-klúbb.
Minnum á að við viljum fara í útiveru á hverjum degi þannig að það er mikilvægt að börnin séu klædd eftir veðri og í vatnsheldum skóm, það er líka gott að vera með auka sokka.