Sumar, sumar, sumar!
Í síðustu viku var mikið úti fjör í Vinasel þar sem nýtt var góða veðrið þegar við gátum í að vera úti mest allan daginn. Við hlustuðum á tónlist, dönsuðum, krítuðum, fórum í úti keilu og margt annað.
Í þessari viku er margt skemmtilegt í boði enn ef það er gott veður munum við svo sannarlega reyna að nýta góða veðrið og vera lengur úti. Á fimmtudaginn er sumardagurinn fyrsti og þá er lokað í Vinasel þann dag. Opnað verður fyrir skráningu á sumar.vala.is fimmtudaginn 20.apríl og hvet ég ykkur til að skrá börnin strax til að tryggja sér pláss í sumarfrístundinni.
Frístundaheimilið Vinasel býður upp á skemmtileg sumarnámskeið í sumar. Það er mjög fljótt að fyllast á þau og því er gott að hafa hraðar hendur þegar sækja á um námskeiðin. Við minnum foreldra á að passa vel upp á að barnið sé örugglega skráð á námskeiðið, ef þið hafið ekki fengið staðfestingarpóst þá er barnið ekki skráð. Það hefur gerst reglulega að foreldrar telja að þeir hafi skráð börnin á sumarnámskeið en eitthvað farið úrskeiðis í ferlinu og við höfum ekki sama svigrúm á sumrin og á veturna til að bæta við börnum.
Námskeiðin eru vikunámskeið með skemmtilegum og fjölbreyttum þemum og hefst fyrsta námskeiðið fimmtudaginn 8.júní. Ef hætta á við námskeiðið, þá verður að koma uppsögn sunnudeginum viku fyrir námskeiðið.
Við minnum líka foreldra á að skrá börnin í frístund fyrir næsta ár. Börnin sem eru að klára 1. bekk verða áfram hjá okkur í Vinaseli en börnin sem eru að klára 2. bekk fara í Frístundaheimilið Regnbogann. Það er safnfrístund fyrir börn í 3. og 4. bekk í Selja og Ölduselsskóla.