Íslensk tunga, mannréttindi barna og jólin.
Í seinustu viku var dagur íslenskrar tungu og vorum við í Vinasel með föndurverkefni þar sem börnin skrifuðu íslenskt orð á bláan, hvítan eða rauðan pappírsbút og svo tókum við orðin og mynduðum Íslenska fánann úr íslensku orðunum sem börnin skrifuðu. Börnin tóku mjög vel í verkefnið og standa þau oft við fánann að lesa orðin eða benda á hvaða orð þau skrifuðu. Á hverju ári hefur Vinasel líka hjálpað börnunum að gera jólagjafir sem eru frá börnunum og við í Vinasel höfum unnið mikið með öllum börnunum að föndra gjafir sem þau fá að taka með heim bráðlega og gefa manneskju sem þeim þykir vænt um.
Í þessari viku var dagur mannréttindi barna og munu börnin vinna í verkefni út vikuna sem tengist bæði föndri og að kenna þeim um mannréttindin sín. Leiklistin er svo enn þá í fullum gangi í Vinasel enda er sýningin í næstu viku! Leiklistarhópurinn mun fara í Breiðholtsskóla í vikunni að æfa með hinum frístundaheimilunum í fyrsta skipti og er hópurinn mjög spenntur fyrir því. Á dagskrá hjá okkur var svo að hafa foreldrakaffi núna í nóvember enn þar sem við stöndum enn þá í framkvæmdum á húsnæðinu höfum við fært okkar dagsetningu og munum við auglýsa henni þegar framkvæmdum er lokið. Minnum svo á að á föstudaginn 24. nóvember er heill dagur í Vinasel þar sem við tökum aðeins við börnunum sem hafa verið skráð fyrir daginn.
