Klúbbar, páskar og enginn fótbolti í dag.
Vil byrja á því að minna á að í dag er ekki fótbolti hjá strákum þar sem það var mót um helgina!
Í síðustu viku var haldið áfram með vináttuklúbbinn og gróðursetningaklúbbinn og ganga bæði verkefnin mjög vel! Börnin fylgjast með að vökva plönturnar sínar og fylgjast með hvort eitthvað sé að vaxa. í vináttuklúbbnum var talað um tilfinningar og farið í leiki sem tengjast tilfinningum og samvinnu. Í seinustu viku var líka mikið annað fjör eins og að föndra sér krukkur, farið í karíókí, gert loom teygju skartgripi svo nefna megi nokkra hluti.
Í þessari viku er margt skemmtilegt og fróðlegt í boði fyrir börnin eins og t.d gróðursetningarklúbbur, vináttuklúbbur, keppnisklúbbur, dekurklúbbur og svo diskó til að enda vikuna á alvöru fjöri.
Í næstu viku er svo páskaopnun í Vinasel dagana 3.-5. apríl og þá er opið allan daginn fyrir þá sem eru skráðir og svo er alveg lokað yfir páskana. Vinasel opnar svo aftur 11. apríl.
Í dag (27.mars) er seinasti dagurinn til að skrá börnin á heilu dagana yfir páskana!