Kvikmyndahátíðin Filman
Í dag var haldin kvikmyndahátíðin Filman þar sem sýndar voru þrjár stuttmyndir sem unnar voru af börnum úr 3-4. bekk á frístundaheimilunum í Breiðholti.
Í vetur hafa verið starfræktir kvikmyndaklúbbar fyrir 3-4. bekk í frístundaheimilunum Bakkaseli, Hraunheimum og Regnboganum. Davíð Hólm tæknistjóri Miðbergs hefur leitt þetta verkefni með starfsmönnum á frístundaheimilunum og sá auk þess um alla tæknivinnu.
Afraksturinn var svo sýndur í dag í Sambíóunum í Álfabakka á árlegri kvikmyndahátíð okkar, Filmunni.
Að þessu sinni voru eftirtaldar myndir sýndar og hlutu verðlaun:
Besta sagan: Frístundaheimilið Regnboginn en myndin þeirra heitir Töfrahálsmenið.
Best leikna myndin: Frístundaheimilið Hraunheimar en myndin þeirra heitir Kennarinn hvarf.
Frumlegasta myndin: Frístundaheimilið Bakkasel en myndin þeirra heitir Týndu leikföngin.
Hlutskörpust í ár voru svo krakkarnir úr Regnboganum með myndina sína Töfrahálsmenið og fengu þau viðurkenningu fyrir bestu myndina árið 2023.